Fine dagar.

Heihei.

Ei lita oppdatering. Her i Glasgow står det berre bra til. Det har begynt å ta seg litt opp for Sven på skulen, litt meir å gjera, og lengre dagar. Men han trives, og seier det er kjekt. Så det er bra. Sånn for min del går dagane fortsatt i lesing, litt trening og eindel sosialt og kjekt. Har blitt betre kjent med folka i bandet, som er litt rare, men stort sett greie.

Det  store problemområdet fortida er nok internett. Det er nemlig kul umulig å få internett. Me begynte så fint og gjekk hen å bestilte for nokre veker sidan, for så å få beskjed nokre veker seinare at det ikkje lot seg gjera grunna kreditt-sjekken ikkje var i orden. Full panikk, då eg trudde noko var gale med kontoen her, sidan det høyres ganske alvorlig ut. Men neida, penger og alt på konto. Problemet er berre at me ikkje har budd minst 3 år på same adressa, og at me ikkje har stemt. Som internett-dama så fint sa det: "Du kan ha tusenvis av pund på konto, men det vil ikkje hjelpe, kreditten-scoren vil fortsatt vera altfor lav". Logisk? Nei. Ein skulle då tenke at ein berre får stemme då, for å få denne internetten, men så lenge me ikkje er medlem av EU kan me ikkje stemme heller. Flott. Så eindel irritasjon har gått i nok eit over-byråkratisk system... men det går fint.

Medan me håpar på betre tider, blir det internett på Starbucks, i tillegg til det mobile bredbandet me har heime då.

Signe som litt oppgitt student på Starbucks, og som øver litt

på fløyta heime. Beklager litt dårleg biletkvalitet, men er fordi eg måtte gjera bileta veldig små for å få lasta dei opp her (var denne supre internetten igjen). 

Her eit bilete av Sven på George Square ein vakker føremiddag. Som dåke ser av heisekranane bak er dei i full gang med å få på plass juledekorasjonane. Litt tidleg ute? Ja... 

Håpar alt står bra til med dåke heime :) 

Søndag.

Ein fin søndag. Tur i Kelvingrove park langs elva, og lunch på café, med litt tekstanalyse-lesing.

A play a pint and a pie.

Hei. I går var ein nydeleg flott dag, knall blå himmel og skikkeleg klår luft, haustluft. Eg var på "a play a pint and a pie" på Oran Mor i West-End. Det er eit kjent lunsj-teater, ganske bra konsept igrunn, der du også får ein pint og ein pie. Det føregår i ei gammal kyrkje som er omgjort til ein svær bar.

I dette nydelege véret fann eg ut at det var på sin plass å gå, tek rundt 1 times tid, og er ein fin tur gjennom parken.

 

Nydelege haustfargar har begynt å kome. Ganske mykje seinare enn heime i Noreg, men fint er det.

Og her er meg. I sola på ein benk i parken. Herleg.

Det er utruleg mange tamme ekorn rundt omkring.  Kanskje ikkje tamme, men som ender i dammen heime. Her går ein heller i parken og mater ekorna.

 

Susanne. Fyrst på teateret med paien, og sidan ved elva. Me gjekk i botanisk hage, og langsmed elva før me gjekk attende til sentrum. Ein flott dag å vera så lenge ute på.

Isle of Skye.

I helga leigde eg, Sven, Olav og Erlend bil, og drog på roadtrip. Ei utruleg kjekk helg, der me fekk sett litt meir av Skottland, i vårt eige tempo. Det må nok seies at forarbeidet gjerne vart heller dårleg, for når me (etter eindel om og men for å finne fram, og 5 min før dei stengte) fekk leigd bilen, køyrte me ut av parkeringsplassen og vart ståande. For kvar skulle me dra? Nordover, sørover, austover eller vestover? Ei fin kjensle eigentleg, kan vanskeleg kjenne seg meir fri enn det. Valet enda på Isle of Sky, som ligg Nord-Vest i Skottland. Det er den største øya på vestkysten, og det er rundt 9000 mennesker som bur der. Den er eit svært populært reisemål grunna det vakre og varierte "Highlands"-landskapet, dens mange slott og kjente whiskey-destilleri. Så valet var igrunn enkelt, og me la i veg. 

Det var Sven som fekk oss trygt ut av byen. Var nok ikkje heilt enkelt med denne venstrekøyringa, eg for min del haldt meg langt unna rattet. Men god var han, og me var on the road! (Litt høgreside vart det nok når me skulle ut av nokon av kryssa, men retta oss fort opp at).

Eit lite inntrykk av landskapet frå fyrste dagen. Forøvrig ei veldig fin tid å dra på tur, med flotte haustfargar all the way. Fyrste dagen måtte me berre nyte tida det var lyst (les: fyrste timen...) Hadde nemleg ikkje rekna med det skulle verte så tidleg mørkt. Men det var no ei erfaring det med, godt merka vegar. 

Ein bra gjeng å dra på tur med. God stemning. 

Signe foran gliset. Ein Peugot-eit-eller-anna-modell.

Fyrste dagen kom me oss til Fort William, ein relativt koselig, sånn middels stor by. Men me var godt nøgde, etter nokre timar i mørket var det greit å kome fram ein plass, få oss litt mat og ein plass å sove. 

På laurdagen kom me fyrst til eit nokså kjent slott, Eilean Donan Castle. Veldig flott var det, sjølv om det me såg var gjennoppbyggjinga frå tidleg 1900-talet, så innehaldt det eindel interessant historie. 

Ulike funksjonar må prøves ut. Her er det autentiske slottet frå sin mest aktive periode, 1300-talet ein gong, med masse kriging og greier. Eller berre i svart/kvitt.

Ikkje heilt det store véret på laurdagen. Men som Bergenserar fleist, var Sven kledd for anledninga.

 

Erlend er kartlesar, medan Olav køyrer. 

Veldig flott landskap på Isle of Skye.

Det var også klart at ein ikkje kunne køyre forbi det kjente Whiskey-destilleriet til Talisker. Det var jublande gutar då me kom fram dertil. 

Var ein veldig interessant tour me hadde, der me fulgte whiskey-laginga frå korn, til utskiljing, blanding med vatn, gjæring, destilleringsprosessen, og til slutt lagringa i tønnene. Dei på bilete her er faktisk frå 1979, og skal opnes i 2013. 

Eindel handling vart det då også. Temmeleg mykje Whiskey. 

Signe, derimot, er stornøgd med enorme mengder sjokolade. 

Fint på Isle of Skye. 

Litt sliten kan ein verte i baksetet. 

Det var ei veldig kjekk helg, me fekk sett masse, og hadde det gøy. Venstrekøyringa kom seg etterkvart, og det var ingen problem på vegen. Kan absolutt gjentas! 

Solgt leiligheit.

Då var leiligheita i Helgeplasset solgt. Etter eindel tviling og frustrasjon dukka det endeleg opp ei interessert dame. Så no er leiligheita solgt. Litt vemodig, ja... men bra er det. Godt å få det ut av verda.

Vart sitjande å sjå på nokre bilete av leiligheita, og synes jo det er litt trist å ikkje ha den lengre (sjølv om det teknisk sett var Sven sin), men blir veldig kjekt å kome attende til Bergen og kjøpe noko saman. Så no står me litt friare.
Neste skritt er no ei lita feiring av salget. Alltid greit med ein grunn til å feire litt, og no er grunnen ganske god!

Eg har hatt besøk av Kyla i føremiddag. Det er ei kjekk jente frå Canada. Me var fyrst på Yoga på treningssenteret (beinhardt.. eg trudde yoga var avslappande greier, men dette var vanskeleg og svært tungt... eller kanskje det er formen min som er litt slakk...) før me gjekk til meg for kaffi. Litt belønning må ein ha etter slikt hardkjør.

Her er ellers eit bilete av den ultimate "vindustesten" etter at ingeniør-Sven har teitta alle vindauga i leiligheita. Og dei stod! Lyset fortsatte å brenne, heller ingen flakking. Så no er det godt og varmt her.

Ellers er no Sven på skulen, medan eg bedriver dagane med yoga og kaffi. Neida.. får lest eindel. Sit mykje i leiligheita og les, noko som kan verte litt stusselig, så igår tok eg etter ei stund med meg bøkene på Starbucksen frå i fjor. (Møtte forresten han eine som jobbar der, som helste på meg på gata.. om ikkje det kan kvalifiseres som stamkunde, så veit ikkje eg). Der sat eg då å las medan eit par sat å kontinuerleg kyssa bak meg, medan eit par på sida av meg dreiv å slo opp. Ganske interessant igrunn, litt trist også.. men det var til det beste. Eg kunne ikkje skjøne kva dei sa,  så det vart mest teikntolking. Eg tolka meg fram til at det var ho som hadde vore utro, og ville han skulle tilgi henne. Han prøvde så godt han kunne (i 3 timar), men det vart utilgiveleg... så dei slo opp. Likså greit spør du meg. Så det vart gjerne ikkje så mykje lesing på Signe, men sidan det var semiotikk eg las om (teiknlære), så fekk eg no litt praksis i det minste. Er det ikkje forresten litt merkeleg korleis alle desse folka skal utbrodere liva sine på Starbucks?

Ha ein vidare god dag alle saman! Håpar alt er bra heime :)

Helg igjen :)

Og så var det helg igjen. Dagane flyr avgårde, og for min del har veka gått stort sett i lesing og trening. Har begynt å kome litt meir inn i lesinga mi, noko som så absolutt var på tide. Begynte forresten óg i Concert Bandet som eg såvidt var innom ifjor, men måtte jo då slutte grunna jobben. Så no sit eg der igjen med fløyta mi, og mimer så bra eg kan, på bakerste benk. Neida, speler faktisk eindel innimellom :) Sven har fine dagar på skulen, ikkje i nærheita av slik det var forrige haust. Så han har då i tillegg via eindel frustrajon til leiligheita.... er nemleg eindel merkelege greier her. Til dømes var alle vindauga limt igjen med silikon (!) rundt heile... Nok for å isolere, men likevel, det får jo vera grenser. Elendig isolering uansett, stearinlysa blafrar i trekken, så Sven har kjøpt tetningslister. 

Her ser dåke guten i full gang. Slik er det å leve med ein ingeniør.. men eg klagar ikkje, no skal leiligheita verte varmare :) Og så, berre for å nemne det.. etter desse bileta vart teke, sat me opp ei dør, oppdaga store fuktskadar under belegget på badet, fiksa steikeomnen og lappa eit gulv. Effektivt. Eg skal kanskje ikkje seie me, slik sat nemleg Signe medan leiligheita blir teke hand om: 

Neida.. Eg er no med å hjelper til så godt eg kan. Uansett er det oppgåve som vert skriven på dette bilete.  Berre så det er sagt :) 

Her er forresten nokre bilete frå feiringa av Sven forrige laurdag. Me hadde eindel folk over, stort sett "dei vanlege" nordmennene som Sven studerer med, men også 2 Canadere, Anskey, Kayla, tyske Ria og svenke Lykke. Var ein veldig kjekk kveld, og Sven seier sjølv dagen var bra :) 

Litt bilete.

Beklager litt forsømt blogg siste tida, om det er nokon som følger med. Men her kjem no litt bilete av leiligheita i det minste, så får dåke eit inntrykk av korleis me har det her :)

Her er fyrst eit bilete av stova, som dåke ser er den møbler i forhold til den flotte TV-en på veggen der.   Den raude sofaen høyrer nok ikkje til originalt, men me fann den i 4 etg i bygget her. Syntes det var for gale at den stod der til liten nytte, så me tok den... Forhøyrte oss litt rundt fyrst, men var ingen som eigde den, hadde stått der på gangen i 5 mnd. Så me tok den inn i varmen. Knall raud, men litt fleire sitjeplassar :)

Her er kjøkkenet. Ingen oppvaskmaskin, men det går fint så lenge ein har Sven. Neida.

Bilete av badet. Er sånn middels stort, og heilt ok. I forhold til det me hadde i fjor er det veldig stort, men det seier gjerne meir om det forrige enn dette. Facinerande fact though, at under dette "flise-belegget" på gulvet, befinner det seg skikkelege fliser. Merkelege greier, men sant.














Og så eit bilete av soverommet. Til forskjell frå ifhar me no flotte vindauger. Fint både i forhold til luft og evt. rømning om det skulle vera naudsynt. Litt kaldt er det, då dei fleiste vindu ikkje er teitte her. Men me klarer oss fint. Er alt i alt veldig nøgd med leiligheita, og tek gladelig imot besøk! :)